प्रदेश सभाको पहिलो अधिवेशनको तयारी सुरु

जनकपुरधाम । प्रदेश नम्बर २ को प्रदेश सभाको प्रथम अधिवेशनको तयारी थालिएको छ ।

शहरी विकास तथा भवन डिभिजन कार्यालय जनकपुरले प्रदेश सभाको अधिवेशनको लागि विहिवारदेखि तयारी थालेको हो । विहिवार विहानैदेखि प्रदेश सभाको लागि जनकपुरको शैक्षिक तालिम केन्द्रको सभा हलको मर्मत सम्भारको कार्य सुरु भएको शहरी विकास तथा भवन डिभिन कार्यालय जनकपुरका प्रमुख गंगा प्रसाद यादवले जानकारी दिए ।

प्रदेश सभाको व्यवस्थापिक र कार्यापालिकाको लागि छनौट गएिको भवनहरुको मर्मत सम्भार, फनिजर,लाईट तथा रंङरोडको लागि डिभिजन कार्यालयले ५५ करोड रुपैयाँ माग गरिएको थियो । तर सरकारले पहिलो चरणमा ७ करोड ५० लाख रुपैयाँ मात्र पठाएको छ । सरकारले पैसा पठाएपछि कामलाई अगाडी बढाईएको उनले बताए ।

माघ २१ ग्ते नै प्रदेश सभाको पहिलो वैठक तोकिएकोले तत्कालका लागि प्रदेश सभाको तयारीमा जुटेको उनले बताए । प्रदेश सभाको लागि टेबुल,र्याक,काण्टर लगायतका सामग्रीको निर्माण कार्य सुरु भएको उल्लेख गर्दै उनले भने,‘ कुर्सी टेण्डर प्रक्रिया मार्फत रेडिमेट खरिद गर्छौ र बाँकी रहेका लाईट, साउण्डको पनि व्यवस्था गरिरहेका छौ ।’ माघ १९ गते सम्म प्रदेश सभाको प्रथम अधिवेशनको सम्पुर्ण तयारी पुरा हुने उनले बताए ।  

त्यसैगरि, कार्यापालिकाको लागि जनकपुर चुरोट कारखानामा भईरहेको उनले बताए । कार्यापालिका तर्फ पनि प्रदेश प्रमुख, प्रदेश प्रमुख सचिवालय, मुख्यमन्त्री र मन्त्रीको अवास र कार्यकक्षको समेत तयारी भईरहेको छ । त्यसैगरि, मन्त्रिपरिषद,मुख्य सचिव, सचिव र कर्मचारीहरुको अवास जनकपुर चुरोट कारखानामै रहने उनले बताए ।

त्यस्तै, व्यवस्थापिका तर्फ सभामुख, उपसभामुख, संसदिय समिति तथा कर्मचारीहरुको अवास र कार्यकक्ष शैक्षिक तालिम केन्द्र र जिल्ला शिक्षा कार्यालय धनुषाको भवन रहने उनले बताए । प्रदेश सभा तयारीका लागि प्रदेश सचिव लबिनिय ढकाल दुई दिन अघि नै जनकपुर आईसको र मुख्य सचिव यादव कोईराला विहिवार मात्रै आएको प्रमुख यादवले बताए ।

श्ैक्षिक तालिम केन्द्र र जिल्ला शिक्षा कार्यालय खाली नै नभएको अवस्थामा कसरी मर्मत सम्भारको कार्य भईरहेको भन्ने प्रश्नमा गंगा यादवले भने,‘ अहिले हामी प्रदेश सभाको पहिलो वैठकलाई लक्ष्ति गरि कामलाई अगाडी बढाएका छौ । शैक्षिक तालिम केन्द्र खाली नै छ । त्यसकारण अहिले प्रदेश सभाको तयारी गरिरहेका छौ । बाँकी काम कार्यालय सारेपछि सुरु गर्छौ ।’ सरकारले ति कार्यालयहरुलाई माघ ५ गते नै खाली गर्न पत्र पठाएको उनले बताए ।

प्रदेश सभाको तयारी भईरहेपनि शैक्षिक तालिम केन्द्रले अहिले सम्म सारिएको छैन । शैक्षिक तालिम केन्द्रले कार्यालय सार्न र नयाँ कार्यालय व्यवस्थापनका लागि २९ लाख अनुमानित खर्च शहरी विकास तथा भवन डिभिजन कार्यालयसँग पत्र काटेर माग गरेको छ ।

यता, प्रमुख यादवले सरकारले डिभिजनको नाममा अख्तियारी पाएकोले शैक्षिक तालिम केन्द्रलाई पैसा दिन नसक्ने बताए । उनले भने,‘ कार्यालय सार्न र व्यवस्थापनका काम डिभिजन कार्यालय आफ्ैले गर्छ ।’ शैक्षिक तालिक केन्द्रलाई तत्कालका लागि शैक्षिक तालिम केन्द्रको जनकपुरस्थित सरस्वती माविको छेउमा रहेको सेडु कार्यालयमा सारिने उनले बताए । शैक्षिक तालिम केन्द्रलाई समानहरुलाई पोक बनाउन राख्न भनेका छौ, उनले भने,‘एक दुई दिनमै कार्यालय सारिने छ ।’