डा. केसीकाे समर्थनमा नयाँ शक्तिकाे प्रदर्शन (फाेटाे फिचर)

काठमाडौं –डा. गाेविन्द केसी पक्राउको विरोधमा माइतीघर मण्डलामा उनको रिहाईको माग गर्दै समर्थकहरुले बुधबार विरोध प्रर्दशन गरेका छन् । डा. बाबुराम भट्टराईको नयाँ शक्ति पार्टीका कार्यकर्ताहरुको संयोजकत्वमा आयोजित विरोध प्रदर्शनीमा सर्वोच्च अदालतका न्यायधीश गोपालप्रसाद पराजुलीविरुद्ध नाराबाजी गरिरहेका छन् ।

विरोध प्रदर्शनीमा नयाँ शक्ति पार्टीका अध्यक्ष डा. बाबुराम भट्टराई भने सहभागी भएका छैनन् । माइतीघर मण्डला डा. केसीको गिरफतारीविरुद्ध उनका समर्थकहरुले प्लेकार्ड बोकेर नारा लगाएका थिए ।

यसअघि मंगलबार आयोजित विरोध प्रदर्शनमा भने पूर्वप्रधानमन्त्री एवं नयाँशक्तिका संयोजक बाबुराम भट्टराई, नेपाली कांग्रेसका केन्द्रीय सदस्य गगन थापा र विवेकशील साझा पार्टीका रविन्द्र मिश्र लगायतको उपस्थिति रहेको थियो । त्यस्तै डा. गोविन्द केसीविरुद्ध परेको अदालतको अवहेलना मुद्दामा सर्वोच्च अदालतमा बहस चलिरहेको छ ।