जनकपुरमा एका विहानै एक महिला मृत भेटिए

जनकपुरधाम, २२ पुस ।
एकाविहानै जनकपुरमा एक अधबैसैँ महिला मृत अवस्थामा फेला परेको छ ।
जनकपुर उपमहानगरपाकिा वडा नं. ८ रामानन्दचोक स्थित विहानै एक महिलाको बेबारिसे शव फेला परेको हो  । 

मृतक महिला महोत्तरीको लोहरपटटी नगरपालिका वडा नं. ४ खुटटा पिपरारी बस्ने अन्दाजी बर्ष ५१ की रतिया देवी यादव  रहेको स्थानीयहरुले जनाएका छन् ।
तरकारीको व्यापारी गर्दै आएकी रतिया देवी यादव लाई राती नै कसैले हत्या गरी बसको मुनी फालेको आशँका गरिएको छ ।  मृत अवस्थामा मर्निँग वाकमा निस्केका स्थानीयहरुले देखेपछि प्रहरीलाई जानकारी गराइएको हो । 

यता, जिल्ला प्रहरी कार्यालय धनुषाका प्रहरी नायक उपरीक्षक डिएसपी प्रविन धितालले प्रहरीको टोली घटनास्थल पुगी सकेको जनाएका छन् ।
हत्या कसले र किन गरिएको हो भनेर अनुसन्धान पोष्टमार्टमपछि गरिने प्रहरीले जनाएको छ ।

शवलाई पोष्टमार्टमका लागि जनकपुरमा अञ्चल अस्पतालमा पठाइएको डिएसपी धितालले न्युज ब्युरोलाई बताए ।
घटनाको थप विवरण प्रहरीको अनुसन्धान अनुसार आउन बाँकी छ ।