प्रदेश २ प्रमुखको कार्यालय नेपाल राष्ट्रबैंक जनकपुरको अतिथि गृह

माघ ६, २०७४ / जनकपुरधाम: प्रदेश नं. २ को अस्थायी राजधानी जनकपुर र प्रदेश प्रमुखमा रत्नेश्वरलाल कर्ण तोकिसकेको छ । यससंगै प्रदेश २ को अस्थायी राजधानी जनकपुरमा प्रदेश प्रमुखको आवाश र कार्यालय कहाँ हुने ? भन्ने चर्चा शुरु भएको छ ।

धनुषाका प्रमुख जिल्ला अधिकारी दीलीपकुमार चपागाईका अनुसार तत्काल प्रदेश नं. २ का प्रमुखको आवश र कार्यालय तत्काल जनकपुरको नेपाल राष्ट्र बैंकको अतिथिगृहमा राखिने छ । छोटो समयको लागि राष्ट्र बैंकको अतिथिगृहलाई प्रदेश प्रमुख आवाश र कार्यालय राखेर अन्य उपयुक्त ठाउँ र भवनको खोजि गरि व्यवस्थापन गर्ने उहाँले बताउनुभयो ।

जनकपुर राजधानी चर्चा चलेसंगै यस अघि नै प्रदेश सभा र मन्त्रालयको भवनको रुपमा जनकपुरको जनकपुर चुरोट कारखानाको भवन र शैक्षिक तालिम केन्द्रको भवनलाई बनाउने काम शुरु भईसकेको छ ।