प्रदेश नं. २ को राजधानी जनकपुर बन्नबाट कसैले रोक्न नसक्ने : राजेन्द्र महतो

प्रदेश नं. २ को राजधानी जनकपुर बन्ने कि वीरगञ्ज हल्ला चलिरहेको बेलामा नव निर्वाचित साँसद राजेन्द्र महतोले राजनीतिक किसिमले प्रदेश नं. २ को राजधानी जनकपुर बन्नबाट कसैले रोक्न नसक्ने दावी गरेका छन ।

जनकपुर उद्योग वाणिज्य संघद्वारा गरिएको स्वागत तथा सम्मान कार्यक्रममा उनले आर्थिक रुपमा वीरगञ्ज नै राजधानी रहेको भन्दै राजनीतिक रुपमा प्रदेश नं. २ को राजधानी जनकपुर नै रह्ने जिकिर गरेका छन् ।

उनले जनकपुर राजधानी बनेपछि यहाँको व्यापारी वर्गमा आर्थिक क्रान्ति बताएका छन् । जउवा संघका अध्यक्ष शिवशकर साह हिराको अध्यक्षतामा भएको सम्मान कार्यक्रममा साँसद महतोले प्रदेश नं. २ मा अब विधिको शासन चल्ने र तानाशाहको अन्त्य हुने बताएका छन् ।
धनुषा क्षेत्र नं. ३ बाट प्रतिनिधि सभामा निर्वाचित महतो र ३ को ख बाट निर्वाचित परमेश्वर साहलाई दोसल्ला ओढाएर जउवा संघले सम्मान गरेका छन् ।

त्यस्तै मधेश समाज कल्याण केन्द्रले पनि शुक्रवार नवनिर्वाचितहरुलाई सम्मान गरेका छन् ।
केन्द्रका अध्यक्ष सरिता शर्माको अध्यक्षतामा भएको सम्मान कार्यक्रममा नवनिर्वाचित साँसद महतो,प्रदेशसभा सदस्य परमेश्वर साह र सुरिता साहलाई सम्मानित गरेका छन् ।