चोरी भएका मोटरसाईकल खोज्दै बारा प्रहरी

बारामा प्रहरीले मंगलबारदेखी पछिल्लो समयमा चोरी भएका मोटरसाइकल खोज्न सात दिने खोजी अभियान चलाएको छ ।

प्रहरी सम्मिलित एउटा टोलीले बजार परिक्रमा गरि शंकास्पद मोटरसाइकल देख्नासाथ प्रहरीलाई खबरगर्न आग्रह गरिएको प्रहरी नायब उपरीक्षक भुवनेश्वर साहले बताए ।

टोलीमा प्रहरी उपरीक्षक राजकुमार वैदवार, सहायक प्रमुख जिल्ला अधिकारी मुकेश प्रसाद केशरी, प्रहरी नायब उपरीक्षक साह लगायतको सहभागिता रहेको थियो ।

मोटरसाइकल चोरीको घटना नियन्त्रण गर्न र चोरी भएको मोटरसाइकलको खोजीगर्न विशेष अभियान संचालन गरिएको प्रहरी नायब उपरीक्षक भुवनेश्वर साहले जानकारी गराउनु भयो ।