सप्तरीको २ सय ७५ परिवारलाई हातेमालो नेपालद्धारा न्यानो कपडा र कम्बल वितरण (फोटो फिचर)

काठमाडौं, ३० पुस । हातेमालो नेपालले तराईमा चलेको चिसो हावा र शितलहर पिडित २ सय ७५ भन्दा बढी परिवारलाई न्यायो लुगा वितरण गरेका छन् । हातेमालो नेपालद्धारा सन्चान गरिएको मायाको चिनो न्यानो उपहार कार्यक्रम अन्र्तगर्त सप्तरीको तिरहुत गाउँपालिका वडा नं. ५ मा रहेका गरिब मुसहर, डोम, चमार, मण्डल लगायतका अति विपन्न परिवारलाई न्यायो लुगा वितरण गरेका छन् ।

मधेशि एसोसिएसन इन अमेरिका (मा), कोशिश नेपाल, आइपास नेपाल, समता फाण्डेसन, सार्मथ्य फाण्डेसन, कोड फोर नेपाल लगायतले प्रदान गरेको सहयोगलाई हातेमालो नेपालका टिमले पिडित सम्म पुर्याउन सफल भएका छन् । मधेशि एसोसिएसन इन अमेरिका (मा) ले नगद रकम, कोशिश नेपालले १०० पिस कम्वल, सार्मथ्य फाण्डेसन र कोड फोर नेपालद्धारा १०० पिस कम्बल, आइपास नेपालद्धारा ५० पिस कम्बल, समता फाण्डेसन बाट ३५ पोका पुराना लुगाफाटा तथा हातेमालो नेपालले आफैंले संकलन गरेको १०० पोका भन्दा बढी लुगाफाटा तथा कम्बल सो क्षेत्रका जाडो पिडितलाई वितरण गरेका थिए । वितरण कार्यमा सप्तरी जिल्ला का जिल्ला प्रशासन प्रमुख भागिरथ पाण्डेले पूर्ण सहयोग तथा स्थानीय प्रहरी प्रशासनले विशेष सहयोग गरेका थिए ।
न्यानो माया वितरण गर्न गएका हातेमालो नेपालका सचिव सरोज महतो तथा देवानन्द मेहताले मधेशमा चलेको चिसो हावा र शितलहरले आर्थिक अवस्था कमजोर भएकाहरुको जनजीवन निकै कष्टकर रहेको बताए ।
हातेमालो नेपालका अध्यक्ष चर्चित पत्रकार अनन्त अनुरागको नेतृत्वको टिमले सन्चालन गरेको मायाको चिनो न्यानो उपहार कार्यक्रम निरन्तर जारी रहने बताए, उनले भने, हाम्रो अभियान जारी रहनेछ, दाताहरुको सहयोगलाई हामी पिडित सम्म पुर्याउन २४ औं घण्टा प्रतिबद्ध छौं । फोटोःसरोज मेहता