चाइना इस्टर्नभित्रै फोन चलाउन फुकुवा, विमानभित्रै वाइफाइको व्यवस्था

माघ ६, २०७४: चाइना इस्टर्न एअरलाइन्सले विमानभित्रै फोन चलाउन र वाइफाइको सुविधा खुला गरेको छ। बिहीबार फ्लाइट एम यु ५५३ बाट यस्तो सुविधा सुरु गरेको हो।

विमानभित्र पोर्टेबल इलेक्ट्रोनिक डिभाइस चलाउन सुरु गरेको एअरलाइन्सले मोबाइल फोन भने एरोप्लेन मोडमा मात्र चलाउन दिएको हो।

विमानभित्रै वाइफाइ सुविधा दिँदै एरोप्लेन मोडमा स्विच गरेर मोबाइल चलाउने व्यवस्था गरेको हो। चाइना इस्टर्न एयलाइन्सका ७४ वटा विमानमा यो सुविधा रहनेछ जसले अन्तरिक र बाह्य गरी १ सय ६६ रुटमा सेवा दिन्छ। अन्य चिनियाँ एयरलाइन्सले पनि मोबाइल फोन प्रयोग गर्न दिने व्यवस्था गर्दैछन्। गत साता मात्रै चीनको नागरिक उड्ययन प्रशासनले विमान भित्र फोनमाथि लगाएको प्रतिवन्द फुकुवा गरेको थियो। - सिन्ह्वा